Wartawan UKW…….

0
373

 

                    Oleh: Wandy

 

“KABANYO Wartawan nan maliput di Kabupaten Solok, patangko ikut Ujian Kompetensi Wartawan di Bukiktinggi. Apo bana tu, Jang?,” tanyo Da Indra, pemilik lapau politik, tampek bakumpuenyo urang-urang partai di Kawasan Kayu Aro.

“Iyo batue tu, Da Indra! Zaman kini, satiok profesi nan awak jalani, pasti akan ado nan manjadian acuannyo, baik guru, mahasiswa, pegawai atau juo wartawan,” jawek Ujang, yang kebetulan juga berprofesi sebagai wartawan nan maliput di Kabupaten Solok. “Kalau mode tu, alah susah masuek wartawan kini mah. Baa kalau dalam ujian tu awak indak lulus?,” kecek Uda Indra, baliak batanyo. “Kalau indak lulus ujian nan disebut UKW itu, mako wartawannyo alun bisa dikatoan berkomppeten lai,” jawek Ujang, sambia mambaco berita KORAN PADANG nan manjadi langganan satu-satunyo di lapau politik tu. “Awak yo lai satuju bana kalau nak masuek manjadi wartawan tu yo harus ado ujiannyo dulu. Kalau ndak, banyak nan mangaku-ngaku jadi wartawan, tapi indak jaleh dek inyo dunia tulis menulis tu do. Kalaupun ado beritanyo, itupun hasil sadur dari koran lain. Kadang lupo pulo mambuang namo koran tampek manyadur tu,” jaleh Ujang, nan kabetulan pado UKW di kapatangko alah dinyatokan pulo berkompeten dek dewan penghuji yang sangajo didatangkan dari Dewan Pers Pusat.

“Uda yakin, dengan adonyo UKW tu, mako mereka yang selamo ko mengaku wartawan, akan mundur se surang-surang. Sabeknyo mungkinnyo ado raso malu dek nan alah UKW tu,” tarang Uda Indra. “Apo nan alah duo puluah tahun jadi wartawan Wajib sato ujian juo, Jang?,” tibo-tibo Uni Riya, bini da Indra batanyo ka Ujang, sabek dari tadi serius mandanga lakinyo berbincang jo Ujang masalah UKW. “Iyo, Ni Riya. UKW tu samo jo urang mambao kendaraan, inyo harus punyo SIM. Aratinyo urang tu alah layak disebut wartawan. Kalau alun punyo SIM, kok razia polisi tu kanai tilangnyo,” tarang Ujang ka Uni Riya. “Oo, mantaplahnyo tu, Jang! Mudah-mudahan wartawan nan alun punyo SIM atau UKW tu capek maurus UKWnyo. Bia indak disebut wartawan bodrex atau wartawan odong-odong,” sambuang Uda Indra lagi.

“Iyo tu mah, Da Indra. Kecek apak Bupati awak, kalau wartawan nan sabanyo, inyo akan bausao supayo dapek sertifikat UKW. Sabeknyo akan malu jo kawan-kawan dan pajabaik nan kenal jo inyo. Apolai tahun depan, wartawan nan indak UKW, pejabaik berhak manolak untuak diwawancarai,” sambuang Ujang lagi. “Ondeh, yo gadang pangaruehnyo yoi, Jang. Syukurlah ang lai lulus UKW patang. Kalau ndak, pasti kami akan galakan waang wartawan bodrex,” sela Ni Riya lagi. “Iyo, Ni, itu kan berkat do’a si Titin anak uni juo,” canda Ujang, sambil tagalak gadang.

“Ndeh, apo pulo hubungannyo jo Titin. Inyo kan masih anak SMA dulu. Jan ang pacarilo inyo lai. Beko kanai lo dek HAM dan Undang-Undang parlindungan anak waang,” sindir Uni Riya, sambil bangkit dari duduknyo,karano ado nan mambali gulo anau untuek mambuek kolak persiapan pabukoan***

LEAVE A REPLY

Please enter your comment!
Please enter your name here