Indak Dapek THR…………

0
340

           Oleh: Wandy

 

“Baa kok buruak bana manuang waang, Jang. Taraso bana go puaso?,” tanyo Mak Mandaro, kapado Ujang, katiko sadang manunggu waktu babuko puaso di lapau politik milik Da Indra, Rabu sore kapatang.

“Iko alah basarato mah, Mak Mandaro. Salain litak dek puaso, awak sadang mamikian juo, jo apo kamambali baju baru hari rayo bisuekko. Awak kan indak pagawai dan indak ado bakawan jo pajabaik do. Jadi indak ado urang nan kamaagiah THR do!,” jawek Ujang sambia mematut-matut batua akiak nan tapasang di tangan karinyo. Dulu batu akiak tu ado duo, namun nan ciek lai dijua, untuak mambali sembako dan balanjo anak-anaknyo, sewaktu harga sembako dan lado naiak manjalang bulan puaso kapatangko. Kebetulan Datuak Lenggang sangat tertarik untuak mambali batu akiak jenis Lumuk Sungai Kalu tu. Dek desakan ekonomi, Ujang dengan barek hati manjua batu akiak kasayanganyo tu ka Datuak Lenggang, meski itu cincian batu akiak warisan dari gaeknyo nan alah almarhum.

“Itu nan salah, Jang! Manga lo hari Rayo kadipikian bana. Kan marayoan hari rayo indak paralu bana jo baju baru do. Nan pentiang awak lah melakukan puaso sabulan panuah dan melaksanakan tarawih dengan rutin. Jadi awak beko tingga merayakan hari kamanangan se di hari rayo tu lai,” jaleh Mak Mandaro kapado Ujang. “Itu batua mah Mak Mandaro. Kalau mode awakko indak pakai baju baru pai rayo alah biaso, tapi anak-anak baa. Inyo indak kamarati bagai masalah itu do. Nan inyo tau, hari rayo tu harus pakai baju baru dan pai raun kaliliang Sumbar agak sahari. Itu alah aman nah,” jawek Ujang lagi, sambia mauruk paruknyo nan alah babunyi mintak diisi. Tapi dek inyo puaso, jadi harus manunggu beduk berbuka, yang tingga sakitar duo jam saparampek lai.

“Kok anak ambo indak kaliliang Sumbar nyo minta raun pai rayo do. Tapi ka Jakarta atau ka Bali. Sabek alah diaja dulu waktu naiak sakola, kalau sempat jadi juara ciek disekolanyo, mako awak agiah hadiah jalan-jalan pai ka Bali. Ee, kini satiok libur atau lebaran, nyo minta ka Bali se!,” sela Da Indra, yang dari tadi sibuk mambaco Riak Danau di KORAN PADANG, yang menjadi bacaan favoritnyo. “Sabananyo, pada hakekanyo, hari rayo tu indak paralu dirayakan mewah-mewah jo baju baru dan kue agak duo puluah macan do. Itu beko akan mubazir. Kalau indak tamakan Akan labiah rancak kalau pitih awak lai balabiah, bagikan ka anak yatim atau kaurang nan mambutuhkan, supayo inyo bisa pulo basanang-sanang marayakan hari rayo. Dan itu sudah anjuran agamo. Jan pulo lupo mabayian zakat Fitrah, sabalun hari rayo tibo, agar puaso awak ditarimo dan idak tagantuang antaro langik jo bumi do,” jaleh Mak Mndaro, nan alah satangah ustad ilmu agamonyo.

“Kalau zakat Fitrah tu alah buliah dibayarkan sajak dari kini. Gunonyo biar urang nan mambutuhkan bisa memanfaatkan zakat tu,” tarang da Indra lagi. “Iyo mah Da Indra. Beko sampai di rumah awak langsuang bayar zakat fitrah tu, jan sampai mandasak ka rayo lo dikaluakan,” terang Ujang sambia pamit untuak pulang, karano hari alah dakek wakatu babuko untuak daerah Solok dan sekitarnyo. Sabek dari radio swasta alah tadanga ucapan selamat menunaikan ibadah puasa dari para pajabaik di daerah penghasil bareh tanamo tu!***

LEAVE A REPLY

Please enter your comment!
Please enter your name here